Paasititsiniaanermi paasissutissat.

Paasititsiniaanermi paasissutissat

Kalaallit Nunaat Piginnaaneqarpoq” atorlugu nassaarerusupparput qanoq iliorluta inuusuttut isumassarsitissinnaanerlugit aamma ikiorsinnaanerlugit taakku suliffeqarfiilu toqqaannartumik attaveqalernissaat pilersikkumallugu. Taamaasiorlutik inuusuttut imminnut ikiorsinnaapput aamma allat ikiorsinnaavaat. Suleqatigiilluta siunissami sulisartuulersussat patajaatsumik toqqammavilersinnaavagut peqataanillu suliffeqarfiutitsinni nutaaliorneq siuariartornerlu pilersillugit. Naggataatigut tamatuma inernerissavaa aningaasarsiornikkut siuariartorneq, nunatsinni  najugaqartut tamarnik iluaqutissarsivigisassaat.

Facebook-imi quppernermi “Kalaallit Nunaat Piginnaaneqarpoq” oqallinnerup saniatigut, suliffeqarfiit soqutiginnittut suleqatigalugit aaqqissuussisarniarpugut, tassani inuusuttut paasisimasaqartilerlugit suliffeqarnerup iluani sumi piginnaanitik atorluarnerusinnaaneraat. Taamaaliornikkut angusassamik toraagaqareerlutik inuusuttut ilinniarlutik aallartittassapput taamaasippat suliffeqarfiit sulisortaartalissapput tunniusimalluinnartunik ineriartortitseqataasinnaasunillu. Inuusuttut suliffeqarnerup iluani sunniuteqarnissaminnut kajumissuseqarnerulernissaat pilersissavarput nukiillu Demokraatit siuarsaaqataaffigerusutaat ikorfartorlugit.  Paasititsiniaaneq aallartinniarparput, inuusuttut suliffeqarfiillu iluaquserneqarneqartussaammata  – aamma Kalaallit Nunaanni atungarissaarneq pilersinneqartussaammat.

Del Kampagnet

Hjælp os med at dele budskabet!