Kalaallit Nunaat piginnaaneqarpoq

– Facebook-imi malinnaavigisigut

Kalaallit Nunaat piginnaaneqarpoq

Facebook-imi
malinnaavigisigut

Kalaallit Nunaata siunissarissaarnissaa toqqaruk.

Allattut Niels Thomsen aamma Randi Vestergaard Evaldsen, Demokraatit

Kalaallit Nunaanni Naatsorsueqqissaartarfiup kisitsisaataasa takutippaat inuusuttut ilinniakkaminnik naammassinnittartut ukiut kingulliit qulit ingerlanerini amerleriarsimasut. Kisitsisit takutippaat innuttaasut 40 procentiisa missaat meeqqat atuarfiani soraarummeersimanermik saniatigut ilinniagaqartuusut. Tassa ukiut qulit ingerlanerini amerleriaat 9 procentit missaaniippoq.

Tamanna ajunngila? Uangut isumaqarpugut naamik.

Kisianni ukiorpassuarni kukkusumik ilinniartitaanermut politikkeqarsimanerup tamanna kinguneraa, tamannalu nunatsinnut ajorluinnaqqissaarpoq. Nukittuunik inuusuttunik piginnaasalinnik peqanngikkutta Kalaallit Nunaata siunissaa taartuinnaassaaq. Ilinniarluarsimasunik sulisartoqarneq pisariaqarpoq inuutissarsiortut – suliffiit nunatsinnik ingerlatsisisut – nukittorsarneqassappata. Inuutissarsiortullu nukittuut pisariaqarput Kalaallit Nunaata siunissaa qaamasuussappat. Tamannalu pisariaqarpoq siunissami nunarput naalagaaffinngornissaminut piareersimanissaanut.

Demokraatini anguniarparput inuusuttut amerlanerit akisussaaffimmik tigusissasut ilinniarlutillu, piginnaasaminnut naleqquttumik, piginnaasatillu nunap suliffiutaani atorlugit.

Aamma anguniagaraarput inuutissarsiortut ineriartussasut nunarput tamaat iluaquserniarlugu. Uangut politikeritut akisussaaffigaarput suliffiit sapinngisamik pitsaanerpaanik sinaakkuteqarnissaat iluatsitsissagunik. Taamaattuminguna politikkimi pingaartikkipput ingerlatseqatigiiffiit akileraarutaasa appartinnissaat, siuariartorneq ikorferneqassammat. Aamma pingaartillugu anguniagaraarput inuutissarsiortut sapinngisamik pikkorinnerpaanik sulisoqarnissaat – massakkut aamma siunissami.

Nunatsinni partiini inuutissarsiortunut inussiarnernerpaasutut aamma kingullermik qinersinermi inuusuttut orniginerpaasaattut partiitut Demokraatit massakkut inissisimalluarpugut. Periarfissaqarpugut immikkoortut marluk taakku kattutsinnissaannut – inuutissarsiortut inuusuttullu – siunertaralugu aningaasarsiornikkut siuariartoqarnissaa aamma nunatsinni inuit ataqatigiilluarnissaat. Tamanna anguniarparput ulluinnarni politikeritut sulinitsinni, naalakkersuisunut amerlanerussusiisartutut aamma matumani paasititsiniaanermi maanna aallartitatsinni.

Oqarpugut: Kalaallit Nunaat piginnaasaqarpoq

Paasititsiniaanermi anguniarparput periusissanik nassaarnissarput, inuusuttut isumassarsitikkumallugit ikiorumallugillu aamma inuusuttut suliffeqarfiillu toqqaannartumik attaveqalersikkumallugit.  Taamaasiornikkut inuusuttut imminnut ikiussapput aamma allat ikiussavaat. Suleqatigiilluta siunissami sulisartunngortussat patajaatsumik toqqammavississinnaavagut peqataanillu nutaaliorneq siuariartornerlu suliffeqarfinni pilersillugu. Naggataatigut angussavarput aningaasarsiornikkut siuariartorneq, nunatsinni kikkunnut tamanut iluaqusiisussaq.

Suliffiit soqutiginnittut suleqatigerusuppagut aaqqissuussisarnissatsinni, tassani inuusuttunut paasititsiniutigissavarput suliffeqarnerup iluani sumi piginnaasatik atorsinnaaneraat. Taamaaliorutta inuusuttut angusassamik toraagaqarlutik ilinniarnertik ingerlattalissavaat suliffeqarfiillu sulisoqalersillugit tunniusimalluarlutik ineriartortitseqataasussanik. Inuusuttut annerusumik kajumissuseqalersittariaqarpagut inuutissarsiornermut paasiniaanissaannut, ikorferlugillu nukiit, Demokraatitut siuarsaarusullutik sulissutiginnittut. Paasititsiniaaneq aallartipparput, inuusuttut suliffeqarfiillu iluaquserumallugit – aamma Kalaallit Nunaanni  atugarissaarneruneq pilersinneqartussaammat.

Facebook.

malinnaavigisiut

YOUTUBE.

qupppernerput takujuk

Wikipedia.

oqaluttuassartaa takujuk

Del Kampagnet

Hjælp os med at dele budskabet!